Chapter 97: Reasons Behind Her Betrayal

THIRD PERSON'S POV

Pagkatapos ang mapagdamdaming pangyayari na naganap kanina sa kanila ni Green at Celeste malapit sa tarangkahan ay inanyayahan ni Green na pumunta sila sa kaniyang silid para mag-usap — pag-usapan nang maayos ang tungkol sa ginawa ni Celeste.

Sumang-ayon naman si Celeste sa gustong mangyari ni Green dahil na-realize niya ang lahat ng mga sinabi at gusto niyang iparating sa kaniya.

Maraming mga estudyante, pati na rin sina God Astrid at Goddess Heldy ang nakasaksi sa kung anuman ang nangyari kanina. Kaya hindi na sila nakaiwas sa kakaibang titig ng ilang mga estudyante. Marami na ring mga haka-haka ang mabilis na kumalat na parang apoy sa buong akademya. Kaya hindi na sila nagtaka o nagulat pa. Kaya napagdesisyonan ni Green na mag-usap na lang silang dalawa sa kaniyang silid upang sa ganoon ay maging pribado ang kanilang pag-uusapan.

Ngunit inaasahan na rin nila na anumang sandali ngayong araw ay maaari nang malaman ng lahat kung ano ang dahilan ng pangyayaring nasak