Chapter 90: The Battle

THIRD PERSON'S POV

Naghahanda na sila para sa kung anuman ang mangyayari mamaya. Magkakasama na ngayon sa tarangkahan ng akademya sina Green, Yazenth, Scarlet, Catterfeld, at O'brien. Nasa likuran nila ang dalawang daan na kawal na nakahanda na rin sa kung anuman ang gagawin.

Hinihintay na lamang nila ang iba nilang kasamahan, at ilang sandali na lang din ay malapit nang sumapit ang gabi.

Nararamdaman na rin ni Green ang presensya ng napakaraming Demon sa labas ng akademya. Nag-aabang ang mga ito sa susunod na utos ng kanilang pinuno. At mukhang hindi nila alam o natunugan ang kanilang plano dahil maging ang kanilang espiya — si Celeste ay walang alam tungkol dito.

“Maiba lang ako, ha? Kanina ko pa napapansin na parang hindi ninyo kasama si Celeste. Hindi ba siya tutulong sa atin?” nagtatakang tanong ni O'brien.

“Hayaan na lang natin siya. At saka kaya naman siguro natin ito kahit wala siya,” tugon ni Scarlet.

“Mabuti nabanggit mo siya, O'brien dahil may mahalaga rin akong gustong ta