49 The Triplets, Pt. 5

Wala sa mga balak ni Aubrey na bumisita sa Little Sunflower Preschool Center kalahating oras bago ang nakatakdang oras ng labasan ng Kinder class pero hindi niya napigilan ang matinding kuryosidad na higit pang makilala ang 90% niyang sigurado na mga anak ng kanyang matalik na kaibigan.

Marami naman na siyang ibang mga kamag-anak, kapamilya, mga kaibigan, at mga kakilala na mayroon na ring mga kani-kaniyang anak. Dinaluhan pa nga niya ang ilan sa mga binyag ng mga ito, pero karamihan sa tunay na mga malalapit sa kanya ay katulad din niyang hindi pa nagsasawa sa bachelor lifestyle kung kaya’t bihira lamang siyang makasalamuha ng mga bata.

Ang tanging karanasan niya lamang sa mga ito ay ang panoorin sila at magkomento ng “Cute”, “Kamukha mo”, “Manang-mana sa ina/ama”, at ilan pang mga ganoong katulad na salita, at kung mi