59 Need for Haste, Pt. 2

Pakiramdam ni Ellaine ay may inililihim sa kanya si Aubrey subalit hindi niya mapagtanto kung ano iyon. Sigurado siya na ang itinatago nito ay may kinalaman sa kanya at sa tatlong bata. Nais sana niyang paaminin ito ngunit hindi siya sigurado kung sa paanong paraan. Hindi pa sapat ang tagal ng paagkakakilala nila sa isa’t isa para pagkatiwalaan siya nito at magbahagi ng impormasyon sa kanya.

Pero malakas talaga ang pakiramdam niya na importanteng malaman niya iyon, kaya pagkatapos ng lakad nila ay susubukan niyang paaminin ito kahit papaano.

Dumiretso sila sa isang mall na ilang minuto lamang ang layo sa apartment nila. Maswete silang nakakuha agad ng bakanteng parking lot dahil sa maaga-aga silang dumating. Tinulungan siya ni  Aubrey na tanggalin sa kani-kanilang mga booster seat ang mga bata. Nakasuot ang tatlo ng pare-parehong disenyo ng sailor un