Chapter 14

Rose

It’s a normal day again. Abala kaming nasa front desk dahil tulad noong isang araw ay dagsaan na naman ang mga turista. Nag-hire na nga ng isa pa para lang matutukan ang mga gagawin bilang receptionist.

“Malapit na pala ang anniversary ng resort. May mga event na naman dito katulad ng mga night band at sympre ang kainan,” ani ni Lea sa kanila. “Ay, idagdag pa ang free wan to sawang inuman!” eksaheradang balita rin niya.

Nakikinig lang ako sa kwentuhan nila habang may tinitingnan ako sa desktop. I know that event at may ibang nakatokang mag-asikaso niyon sa resort. Hindi naman ako interesado sa kahit anong event dito dahil ika nga nila ay MIA ako. Mas inuuna ko ang kapakanan ng pamilya ko kaysa ang makipag-social life. Kaya nga natigil ako noon sa—

“Rose!” untag na naman sa akin ng madaldal na si Lea. “Punta ka ha. O baka naman mas gusto mong si Sir Ethan ang mag-imbita sa iyo,” pilyang ngiti niya.

Kumunot ang noo ko. May alam ba siya? “Ano ba iyang sinasabi mo, Lea? Tumi