Chapter 1

Napapahilot si Andrei sa kaniyang sentido ng mga oras na iyon habang nakatingin sa monitor ng kaniyang computer kung saan ay paulit- ulit pa niyang binasa ang nakasulat doon. Sumasakit na rin ang kaniyang ulo dahil pilit niyang inaanalisa ang mga iyon.

Hindi siya makapaniwala sa kaniyang nababasa. Paano nangyari ang bagay na iyon? Wala siyang kaide- ideya sa mga pangyayaring ganuon at hindi niya talaga inaasahan iyon.

Nagulantang na lamang siya dahil nagpatawag ng board meeting ang isa sa investor ng kompanya ng kaniyang ama kung saan ay dumalo siya t doon nga niya nalaman ang lahat.

Lumong- lumo siya dahil sa nalaman niya mgunit wala na siyang magawa pa. Ang kompanyang pinaghirapan ng kaniyang ama ng mahigit labin- limang taon ay malapit ng mawala sa kanila. Ang 85 percent share holder kasi ay ibang tao na at hindi niya alam kung sino ito dahil nakatago ang pagkakakilanlan nito. Ang 5 percent ay kay Mr. Delgado na plano na ring ibenta ito sa kaniya ngunit wala siyang perang malaki