Chapter 9.6

Isang mahinang yugyog sa balikat ni Vena ang dahilan kung bakit siya nagising. Napa- ingit siya ng wala sa oras. Kulang na kulang pa ang tulog niya. Pakiramdam niya ay katutulog lamang niya. Napatakip siya sa kaniyang mukha dahil nasisilaw siya.

“Ngayong araw na yung flight ko kaya gumising na kayong dalawa.” narinig niya saad ni Maxene sa kanilang dalawa ni Sam.

Hindi siya sumagot rito at nanatili pa ring nakapikit ang mga mata niya. Hanggang sa hindi na siguro nakatiis si Maxene ay tuluyan na nitong hinatak ang kumot nila ni Sam.

Sabay silang napa- ingit ni Sam dahil sa ginawa nito.

“Bumangon na kayo diyan at baka mahuli pa ako sa flight ko dahil lang sa kalasingan ninyong dalawa.” sabi nito at pagkatapos ay pinagpag na ang kumot na ginamit nila.

Wala pa sana siyang balak na bumangon ngunit bigla na lamang niyang naramdaman ang tila ba gustong umahon mula sa kaniyang tiyan kaya mabilis siyang napabangon at pagkatapos ay napatakip sa kaniyang bibig. Mabilis siyang nagtatakbo papunt