Chapter 30 Rason

Tyrone:

NAPAPANGUSO akong nakatambay dito sa Bar ni Mama Liezel. Kalalabas ko lang mula sa opisina at dito tumuloy. Napapaisip sa sitwasyon namin ni Bhelle. May parte sa puso ko na naaawa ako sa kanya. Oo nga't gago at suplado ako pero. . . si Bhelle lang ang nakapag patino sa akin. Siya lang ang babaeng kauna-unahan kong niligawan, inalagaan at minahal. Akala ko siya na ang the one para sa akin noon pero. . . nagkamali ako.

Si Bhelle kasi 'yong tipo ng babae na nakakaagaw ng attention. Disente, maamo, inosente at puro ang puso at pagkatao. Sabi ko sa sarili ko ay napakaswerte kong naibigan niya ako. Kaya naman kampante na ako noon na siya na ang pakakasalan ko.

Aminado akong napabayaan ko siya noong dinala ko siya dito sa syudad. Kasarsagan kasi noon ng pagbagsak ng sales ng kumpanya kaya nakatutok ako sa negosyo. Hindi ako nakakauwi noon sa kanya sa dami ng trabaho ko at nakakatulog na nga ako sa mismong office table ko habang nakaupo sa swivel chair ko.

Subsob ako sa trabaho. Na