Chapter 36 Finding her

TYRONE:

MAINGAT kong inilapag si Tanner sa kama at mariing hinagkan ito sa noo. Kahit nalulungkot ako na hindi na namin naabutan si Bhelle dito sa unit ay masaya akong kasama ko na ang anak ko. Hindi ko pa alam kung paano ipapaliwanag sa kanya na wala ang ina niya dito. Na nilayasan na ako. Umaasa pa naman ang anak kong makakasama na niya kami ng kanyang ina. Pero heto at mabibigo ko na naman siya.

Naupo ako sa gilid nitong kama na sumandal ng headboard. Kinuha ang cellphone ko na pinanood sa surveillance camera ang mga kuha sa buong maghapon dito sa unit. Kunot ang noo ko na nakatutok sa screen ng cellphone ko.

Napapalunok ako na sa wakas ay nahagip na ng camera si Bhelle pero. . . kaninang umaga pa ang kuhang iyon. Mas lalong nagsalubong ang mga kilay ko na nagtungo ito ng pinto at may pinatuloy na bisita. Si Tito Cloud.

Nagsuot ako ng earpiece at nilakasan ang volume para marinig ang usapan nilang dalawa. Kita kasing seryoso ang pinag-uusapan. Narinig kong sinabi ni Tito na pupun