Chapter 56

Salubong ang kilay kong kumakain dahil sa pang-aasar ni Saji, sa isip ko ay kapag siya ang ginantihan ko panigurado buong araw siyang tatahimik.

Gantihan ko kaya?

Tsk, saka na baka mapikon siya sa akin at palayuin na naman ako sa kanya.

Ngumisi ang labi ko nang ma-imagine ko sa isip ang hitsura niya kapag siya ang inasar ko. Ngunit agad akong napatigil nang mapagtanto na ang bilis ng tibok ko habang naiisip ko siyang naiinis sa akin.

“Oh? Napatigil ka sa pagkain?” biglang sabi ni Saji dahilan para mag-angat ako ng tingin sa kanya at napaubo.

Bakit ang bilis ng tibok ng puso ko? P-Parang hindi naman ito nangyayari noon ah?

“M-May naisip lang,” nauutal ko pang sabi at tinuloy na ang pagkain.

“Hmm, namumula ang tenga mo. Saan naman kaya umabot ang malikot mong isip?” nakangisi niyang sabi at nakakaloko akong tinitigan.

“You better stop at teasing me,” banta ko at napapailing na uminom ng tubig.

“Hmm, ayaw ko?” sumbat pa niya kaya hindi ko na siya pinansin.

Matapos naming kumain ay kumap