Chapter 57

Pagkarating sa training room ay mabilis akong sinalubong ni Saji, may takot sa kanyang mata.

“A-Anong nangyari? N-Napatay ko ba yung lalake?” kinakabahan niyang sabi kaya ngumiti ako.

“Of course not, nawalan lang siya ng malay.” Hinaplos ko ang likod ng ulo niya at sinuri ang mukha niya.

“Natapos mo na ba ang 100 kicks mo?” tanong ko, huminga naman siya ng malalim at tumango.

“Magbibihis lang ako. Practice your high kicks,” mahinahon na sabi ko at iginiya na siya sa punching bag na sinisipa niya.

Sinulyapan niya lang ako kaya naman pumunta na ako sa locker upang magbihis sa training clothes namin.

Kalaunan ay tinuruan ko pa siya ng iba’t iba, habang pinanonood ko siya ay tahimik lang ako.

Matapos ng training niya ay pagod na pagod siyang naupo sa tabi ko, pinigilan kong ngumiti nang sumandal siya sa balikat ko dahilan para akbayan ko siya at mapasandal siya sa dibdib ko.

“Mm, hindi ka naman nag-training pero ang bilis ng tibok ng puso mo?” nagtatakang sabi ni Saji at tiningala ako.