CHAPTER 47

Marahang iginala ni Tamara ang kanyang paningin sa paligid nang huminto ang sasakyang kinalulunaran nila ni Lorenzo. Nasa tapat na sila ng isang mataas na bakal na gate na kasalukuyang binubuksan ng gwardiyang nakatalaga roon para magbantay.

Kaunting sandali lang ang pinaghintay nila. Nang mabuksan ang gate ay tuloy-tuloy na ulit na umandar ang kanilang sinasakyang kotse.

Katulad nga nang nais ni Lorenzo, isinama siya nito pabalik nang Manila. Ilang araw lang ang inilagi nito sa resort ni Ethan bago nagpasya nang umalis. Siniguro pa muna nitong maayos na makausap ang kanyang Nanay Maribel, maging ang kanyang amang si Roberto, bago sila bumiyahe pabalik ng Manila.

Kahapon pa nga sila nakauwi sa condo unit nito. They just stayed there for a night before Lorenzo decided to travel to Batangas. Sadyang tinawagan pa ng binata ang driver ng mga magulang nito upang utusan na ipagmaneho sila ngayon.

"Are you okay? You look tensed," narinig niyang sabi ni Lorenzo na ikinalingon niya dito. Kasab