Kabanata 20

Sa ilang araw na lumipas. Naisip ni Terrence na wala na ang nararamdaman niya para kay Tajana. Naisip niyang nag-aalala lang siya sa dalaga dahil sa magiging parte na ito ng kanilang pamilya.

Napakaganda ng ngiti ng mga tao sa paligid ni Terrence. Puno ng kasiyahan ang lahat. Sumasabay ang pagkislap ng kanilang mga mata sa pagkinang ng magagandang ilaw sa loob ng malapalasyong lugar.

Pero isang tao lang ang halos madurog na ang puso habang pinagmamasdan ang mahal niyang binibini kasama ang ibang lalaki.

Alam niya na hindi pa dito natatapos ang sakit na mararamdaman niya sa gabing ito.

Sumagi sa isip niya ang huling mga salitang sinabi ni Calvin bago sila makarating sa lugar na ito.

"Terrence." Lumingon agad si Calvin sa kanyang kapatid at napansin niya ang hindi maitagong ngiti nito.

"Aayain ko ng magpakasal si Tajana bukas ng gabi. 'Wag kang mawawala ah. Suportahan mo ko."

Umiwas agad ng tingin si Terrence ng makita niya ang nangyayari ngayon sa ka