Kabanata 27

Matapos ang nangyari sa club ay nagdalawang-isip na si Tajana na sumama pa kay Zoe. Kitang-kita niya sa mga mata nito na sasaktan siya nito. Ayaw niyang dagdagan pa ang problema niya. Kaya naman hindi na muna siya nakipag-usap pa kay Zoe. Tinatawagan din siya nito pero hindi niya sinasagot. Nagsend lang siya ng message na nagsasabing hayaan muna siya nito dahil gusto mo na niyang ayusin ang buhay niya.

"Tajana!"

Mabilis na naglakad si Tajana ng makita niya ang babaeng tumawag sa kabilang kalye ay si Zoe.

Mabilis din naman siyang naabutan ni Zoe at hinawakan sa braso niya para mapatigil sa paglalakad. Huminto na rin naman sa paglalakad si Tajana.

"Ano 'yon? Umiiwas ka ba sa'kin? Galit ka pa rin ba?" tarantang tanong ni Zoe.

"Hindi naman sa gano'n. Sinabi ko na sayo 'di ba? Magiging abala ako sa mga susunod na araw kasi inaayos ko iyong buhay ko dito sa syudad."

"Pwede naman kitang tulungan tungkol diyan. Wala kang pamilya dito at kaibigan."

"Zoe, gusto kong maging responsable at subuka