Kabanata 30

"Huh?" nagtatakang tumingin ang binata.

Tumawa ng malakas si Tajana dahil sa naging reaksyon ni Terrence.

"Binibiro lang kita. Ang seryoso mo naman."

Kahit na nasa trabaho na si Terrence ay tuloy pa rin ang pag-alala niya sa tanong ni Tajana. Hindi siya makapaniwala na magbibiro ng gano'n ang dalaga.

Pero binaliwala na lang niya ito. Para sa kanya ay mas maganda na makita niyang nakakangiti si Tajana kesa makita niya muli itong nakatulala lamang sa kawalan.

"Nandito na ko." imik ni Terrence ng makauwi siya. Inaasahan niya na lalabas si Tajana para salubungin siya pero hindi niya ito nakita. Kaya naman nagtuloy lang siya sa paglakad papasok.

"Tajana?" tawag niya sa pangalan ng dalaga pero tila walang sumasagot.

Nakailang tawag pa si Terrence pero hindi niya nakita ang anino ni Tajana. Dahil dito ay hinanap na niya ito sa kwarto. Pero pagpunta niya do'n ay wala ang dalaga.

Nabalot ng pag-aalala si Terrence. Kinuha agad niya ang kanyang cellphone at sinubukang tawagan ang dalaga.