Kabanata 32

Pagod na pagod na si Terrence sa paghahanap kay Tajana at inabot na din siya ng gabi. Kung saan-saan na siya nagpunta pero hindi pa rin niya makita ito. Sobra na ang pag-aalala niya sa dalaga. Alam niyang may pinaplano ito.

Habang siya ay naghahanap, patuloy naman ang pagtawag ni Michael sa kanya. Dahil dito ay mas lalong napapago ang isip ni Terrence. Alam niyang importante ang gustong sabihin ni Michael pero hindi niya kayang isipin muna iyon. Sa ngayon ay siya lang ang meron si Tajana.

Nag-hired si Terrence ng mga taong tutulong sa kanya sa paghahanap sa dalaga. Hindi na niya iniisip pa ang gastos dahil ang gusto lang niya ay mahanap si Tajana. Patuloy pa rin sa pagdadrive si Terrence at pagtatanong sa mga club, bars at iba pang lugar. Pero walang nakakita sa dalaga.

"Mababaliw na talaga ako! Shit! Bakit ba hinayaan kong mawala siya sa paningin ko?!" sigaw nito pagpasok muli ng kanyang kotse. Napahampas siya ng kanyang kamay sa manebela ng ilang ulit dahil sa kanyang nararamdaman.