Kabanata 34

Hindi katulad ng normal na araw ni Tajana ang mga pinagdadaanan niya sa buhay niya sa syudad. Ngayon ay halos hindi na siya makatulog ng maayos. Hindi niya magawang ipahinga ang kanyang isip.

Ininom ni Tajana ang kanyang kape habang nakatingin sa labas ng isang bintana. Walang katao-tao sa labas at tahimik din. Dahil oras na ng pagtulog ng karamihan sa mga tao.

Hindi ako pwedeng makatulog.

Habang patuloy pa rin ang pagpigil ni Tajana sa kanyang sarili na makatulog ay biglang bumalik ang ilang mga alaala sa kanyang isipan.

"Tajana."

"Tiyo Jaime. Akala ko po si lolo ang tumawag sa'kin dahil medyo magkahawig po talaga kayo ng boses."

"Mukhang nabingi ka na naman sa walang katapusang pagpapaalala ni Papa sayo."

"Hindi naman po. Naiintindihan ko naman pong nag-aalala lang si lolo."

Nanatili ang tingin ni Jaime sa nakangiting si Tajana. Para itong nabihag sa kanyang ganda.

"Tiyo. Bakit niyo po pala ako tinawag? May kailangan po ba kayo?"

"Wala naman. Gusto ko lang sanang kamustahin ang pa