Kabanata 74

Hindi tinanggap ng korte ang kasong isinampa ni Lera. Wala itong matibay na ebidensya kagaya nang una siyang sumubok na sumampa ng kaso noon. Walang pananagutan si Ginang Juana sa pagkamatay ng kan'yang ama dahil pumasok ang huli sa loob ng mansyon nang wala'ng pahintulot ng may-ari.

Malaki ang ngiting pinunit ni Ginang Juana ang dokumento sa tapat ni Lera. Magkasabay silang dumating kanina sa opisina ng judge upang pag-usapan ang kaso subalit wala din nangyari. Ngayon nga'y hindi niya akalain na susunod ang ginang pauwi sa mansyon. Kung alam niya lang sana'y sa kan'yang bahay siya dumiretso.

Ipinagpasalamat niyang wala ang anak dahil malaya niyang masasabi sa ginang ang hindi kaaya-ayang mga pananalita.

"Napakasama mo talaga!" 

Humalakhak si Ginang Juana. Animo'y kontrabida sa isang pelikula.

"Kung masama ako, sana'y nasa kulungan na at pinaparusahan na ako ngayon."

Taas noong hinarap ni Lera ang ginang. Gustong-gusto niyang putulin an