51 - Mistake

Napasandal ako sa locker habang pa-ulit-ulit na nag fa-flashback sa isip ko ang letratong ipinadala ni Nika. Nagkita na sila.

"Umuwi na kayo!" Malakas na sigaw ko nang sagutin na ni Nika ang phone. 

Naisin ko man magtrabaho pa, hindi ko na nagawa. Wala na ako sa sarili ko, gusto ko na lang puntahan ang anak ko kung nasaan man siya ngayon, pero alam kong mas lalala kapag pumunta ako roon.

Ang magagawa ko lang ngayon ay ang pauwiin sila. Sinubukan kong tawagan kanina si Dexie, pero hindi siya sumasagot na mas lalong nagpakaba sa'kin. Anong pinag-uusapan nila? Bakit seryosong seryoso si Zachary sa letrato? 

Dahil sa kuha ng letrato, alam kong medyo malayo si Nika sa kanila, kaya hindi ko maaaring itanong sa kanya kung anong pinag-uusapan nila dahil sigurado ako na wala rin siyang alam.

"Bakit, A--" pinutol ko siya.

"Umuwi na kayo, Nika. Sabihin mo kay