CHAPTER 51:

Yumuko ako nang maramdaman ang pwersa mula sa ilong ko at ang mga luhang gusto nang kumawala sa mga mata ko. Nagp-play pa rin ang video sa TV pero hindi na ito katulad ng naunang video na napanood namin ni Thunder. Pulos na lamang iyon slide show kung saan ay ipinapakita ang mga pictures na kuha sa akin magmula noong baby ako hanggang noong 7 years old na ako; mga panahong dito pa sa bahay ni Lolo kami nakatira.

Naramdaman kong gumalaw si Thunder sa harapan ko. Tumayo siya at naupo sa tabi ko sa couch. Hinawi niya ang buhok kong tumatakip sa aking mukha. Akala ko patatahanin niya ako. Napaigtag na lang ako nang halikan niya ako sa gilid ng aking leeg. Narinig ko siyang tumawa nang mahina bago ako niyakap nang mahigpit sa baywang. Doon na nga tuluyang nahulog ang mga luha sa aking pisngi.

“Umiiyak ka ba?” tanong niya. Nakakainis! Bakit ba kasi ako walang maalala tungkol sa childhood ko?

“H-hindi ah. Hindi ako umiiyak.”

“So, laway mo itong nahulog sa braso ko?”

Nata