Chapter 43

Nakiusap na ako kay Mr. Fernandez na kung pwede ay huwag na muna niyang ipaalam sa buong mundo ang katotohanan.

It’s too much to ask that in his part pero naiintindihan niya ang gusto kong iparating. Alam kong gusto niyang sabihin sa mundo na anak niya kami ni Cha pero ayaw ko muna.

Nasanay kami sa buhay namin na simple kaya kailangan naming ihanda ni Cha ang sarili namin sa pagbabago.

Sinabi ko rin sa kaniya na ihanda niya rin ang kasalukuyan niyang pamilya. Alam kong ayaw sa amin ng asawa niya lalo na ni Vivian.

Kung ganitong harap-harapan nilang pinapakita sa amin na ayaw nila sa amin ni Cha, hindi ko dadalhin ang kapatid ko sa pamilya nila.

Ayaw ko ng gulo.

Umuwi pa rin kami ni Charmie Gail sa bahay namin at balik sa simple naming buhay. Kapalit ng hinihingi ko kay Mr. Fernandez ay ang kalayaan niyang mag provide sa amin ni Cha at dalawin kami sa araw na gusto nila ni lolo.

Walang kaso sa amin ‘yon. Ang akin lang ay gusto ko munang ihanda ang sarili ko sa lahat ng pagbabago.