Chapter 26: Lies

MADILIM na ang buong paligid nang matapos si Axel sa kanyang ginagawa. Isang mahabang pag-ungot ang ginawa niya habang inuunat ang kanyang mga braso buhat ng maghapong pagtitipa sa kanyang computer para ginawa niyang pain para kay Luigi.

Napasandal siya sa kanyang upuan matapos niyang uminat at inikot ang kanyang upuan paharap sa salaming bintana ng kanyang opisina kung saan tanaw na tanaw ang kabuuan ng siyudad. Habang binabalot ng katahimikan ang buong opisina ni Axel at ninamnam ng binata ang kanyang pamamahinga ay biglang tumunog ang kanyang cellphone. Kinuha niya ang kanyang cellphone at tinignan kung sino ang tumatawag sa kanya, nang makita niya kung sino iyon ay biglang napataas ang kanyang kilay.

“It appears that the diggers are wrapping up their tasks much faster than initially expected,” saad ni Axel sa kanyang sarili na may ngisi sa kanyang labi.

Hinayaan niya pa na tumunog ang kanyang cellphone bago pinindot ang yes button sa screen ng ka