Chapter 65: Aversion

NANATILI ang kakaibang katahimikan sa pagitan nina Ysabella at Rodolfo nang ilan pang minuto. Bawat galaw ni Rodolfo ay nagbigay nang kaba kay Ysabella na nunuot sa kanyang mga buto.

Nang ibaba ni Rodolfo ang kanyang tasa ay napaayos ng upo si Ysabella.

“Hija,” pagtawag ni Rodolfo sa atensyon ni Ysabella.

“Yes, Tito?” mabilis na tugon ng dalaga.

Tumingin si Rodolfo sa mga mata ni Ysabella nang buong seryoso dahilan para mapalunok nang malalim ang dalaga.

“Hindi na ako magpapaligoy-ligoy pa, Ysabella. Hindi ako naparito para makipagkumustuhan o ano pa man. Narito ako para sabihin na layuan mo na ang anak ko. Layuan mo na si Ruru. Itigil niyo na ang lahat ng ito. Hindi ito pakiusap kung hindi isang utos,” mariing saad ni Rodolfo.

“Tito, why are you being like this?” tanong ni Ysabella na bakas na bakas sa mukha ang pagkalito sa sinasabi ng ama ni Ruru.

“Humihingi ako ng despensa sa pagiging bastos ngunit sana sundin mo ang utos ko. Layuan mo na si Rushian,” mariin at malinaw na utos ni