Chapter 64: Meet Up

ILANG ARAW na ang nakakalipas nang makaalis si Ruru papuntang Los Angeles at walang ginawa si Ysabella kung ‘di ang manatili sa bahay at aralin ang ibang dokumento na iniwan sa kanya ni Ruru habang hinihintay ang update ng binata. Nasa kalagitnaan siya ng kanyang pagbabasa nang bigla siyang makatanggap ng tawag sa telopono.

“Hello?” bungad niya nang sagutin niya ang tawag sa telepono.

“Hija, this is Rodolfo Francisco, Rushian’s father,” pakilala ng lalaking nasa kabilang linya.

Nabigla naman si Ysabella nang malaman kung sino ang nasa kabilang linya.

“Tito, ikaw po pala. How are you po?” tanong ni Ysabella na pilit na maging kalmado. Halos ilang taon din sila hindi nagkausap nito simula ng pumunta siya ng Amerika at ito ang unang beses na muli sila nagkausap kaya labis ang kaba na kanyang nararamdaman.

“Ayos lang ako, Hija,” tugon nito.

“Mabuti naman po kung ganoon. Bakit po pala kayo napatawag?”

“I prefer to talk with you in person, hija. Is it possible to meet?”

Napakunot-noo si Ysa