Kabanata 69

Nang dumating si Jay sa Block 9 ng Splendid Town, lumitaw si Josephine sa likod ng isang palamuting bato. “Kanina pa ako nag-iintay dito, pero ang Jenson na iyon ay hindi pa rin lumalabas,” nalulungkot niyang sinabi.

Malungkot na tumingin si Jay sa nakasaradong pinto ng apartment complex at tumalikod upang kausapin si Grayson na sumama sa kaniya. “Pumunta ka sa management office at hanapin mo ang unit number ni Rose Loyle.”

Nang paalis na sana si Grayson, ang pinto ng apartment ay biglang bumukas. Lumitaw si Rose Loyle habang buhat-buhat si ‘Jenson’. Ang kaniyang mga mata ay mapula, halatang dahil sa pag-iyak.

“Hipag?” Ngumiti si Josephine nang makita niya si Rose.

Nakatanggap si Josephine ng pamatay na titig ni Jay. “Tumigil ka nga. Wala siyang relasyon sa Pamilya Ares.”

Natakot si Josephine sa panakot na titig ng kaniyang kapatid. “Ano’ng ibig mong sabihin? Siya ang mommy ni Jenson,” angal niya.

Malapit nang kainin ni Jay si Josephine gamit ang kaniyang mga mata. Mahinang sinampal ni