Chapter 30

Savina Pov

Gabi na pero dilat pa rin ang mata ko. Hindi ako makatulog kahit anong pilit kong matulog. Naiisip ko ang taong nagligtas sa akin at kay Julie. Si Desmon kaya ang taong nagligtas sa amin? May parte sa puso ko na hindi naniniwalang si Desmon ang taong iyon dahil siguradong busy siya sa babae niya at wala siyang oras para tingnan ako. Pero isang malaking bahagi naman ng puso ko ang gustong maniwala na siya si Desmon ang taong nagprotekta sa akin ng palihim.

Sinulyapan ko ang aking kaibigan na nakahiga at natutulog sa tabi ko sa aking kama. Tinawagan ni Julie ang kanyang mga magulang kanina at humingi ng permiso na magpalipas ng gabi sa aking bagong bahay kaya magkasama kami ngayon sa iisang kama. Nag-aalala siya sa akin kaya hindi niya ako iniwan. Hindi ko maiwasang mapangiti habang nakatitig sa kanya. I'm really happy na nakatagpo ako ng totoong kaibigan na katulad niya. Kaya ipinapangako ko sa sarili ko na poprotektahan ko siya kahit anong mangyari.

Dahil hindi ako mak