CHAPTER FIFTY-ONE [PART 1]

ISLA’S POV

Nagkatinginan kami ni Sasa pero dahil sa bigat pa rin ng nararamdaman ko sa naging usap namin ni Adam ay napaupo ako at napatakip sa mga mata ko dahil sa mabilis at sunod-sunod na buhos ng mga luha sa mata ko.

Humagulgol ako hanggang sa maramdaman ko na ang mga kamay ni Sasa at niyakap ako nang mahigpit.

Palakas nang palakas na rin ang iyak ko hanggang sa tuluyan na akong mapaupo sa sahig at napayakap na rin kay Sasa.

“Sa…” tawag ko sa pangalan niya sa gitna ng paghikbi ko. Parang gusto kong magsumbong sa mga nangyari at sa mga nalaman ko. Pakiramdam ko ay sasabog na ako. Pero hindi ko kayang ikwento pa sa iba ang lahat. Hanggang ngayon ay gulat pa rin ako sa mga nalaman ko, mahirap paniwalaan. Halo-halo na ‘yong mga nararamdaman ko. Sana nga galit na lang, kaso mas humihigit ‘yong sakit at bigat.

Hindi ko alam kung anong masamang g