KABANATA 18: Stealing

“Anong nangyayari sa'yo bakit mas kumupad ka sa pagkilos? Ang dami pang mga tela ang kailangan nang malabhan!” anas ni Davina, habang pinapanood akong magpasok ng mga kurtina sa loob ng washing machine.

“Kung tumutulong ka, edi sana mas napapadali ang trabaho natin dito.” walang alinlangan kong tugon.

“Ay pasalamat ka nga at kahit papaano tinuturo ko sa'yo ang dapat gawin, ‘no! Kung hindi ko lang iniisip ang kapakanan ni sir Heskel ay hahayaan kitang mangapa mag-isa mo! Pero dahil sa ginawa mo sa pagkain niya kahapon? Ha! Tingnan na lang natin kung makakalusot ka pa.”

“Eh kung bakit ba kasi hindi na lang siya palayasin ni sir?” Kunot noo at nakapamaywang na pagsasalita ni Baby habang may buhat-buhat sa basket.

“Oy wala kang karapatan kuwestyunin si sir Heskel, ah? Hindi madali sa kaniyang kupkupin ‘yang bruhang ‘yan matapos ng ginawa niya. Pasalamat na lang si Serena na binigyan pa siya ng lugar dito sa mansyon.”

Hinayaan ko silang magchismisan at paniwalaan ang opinyon ng isa't-i