KABANATA 52: Figured it Out 

“Ano sa tingin mo kung bakit pipiliin ko paring dalhin ang anak ni Ezekiel, kung may iba naman pala akong mahal, Panying?” pagkuwestiyon ko sa kaniya. “Alam ko na noon na niloloko niya ako para kay Marian, pero sinabi ko parin sa sarili ko na kung pipiliin niya ako at ang sanggol sa sinapupununan ko ay mananatili ako sa kaniya. Pero sampal na sa mukha ko ‘yung ginawa nilang kahayupan ni Marian, eh!”

“S-Serena, pasensya na, hindi sa hindi ko pinaniniwalaan ang sinasabi mo ngayon. Sadya lang talagang imposibleng magagawa ni sir Heskel ‘yon.” pagkontra niya. “Kasi kung babaero siya, kung may namagitan sa kanila nung babaeng ‘yon sa pagsasama niyong dalawa—hindi ko lang mapaliwanag, kung bakit mamatay-matay siya noong iniwan mo siya!”

“Hindi ko naramdaman ang pagmamahal niya sa gano'ng lebel, Panying.”

“Eh, pa'no? Kung hindi siya ang busy sa trabaho, ikaw parati! Minsanan lang kayong dalawa nagkakasama, at pinagsusungitan niyo pa ang isa't-isa. Parati ring nirereklamo ni ma'am Raquel ka