Chapter Eighty-Eight

Olivia

Ito ang unang pagkakataon na nakaramdam ako nang ganito. Para bang may mga paru-paro na lumilipad sa tiyan ko. Iyong kilig na para bang gusto ko nang maihi at higit sa lahat, ramdam ko 'yong nag-uumapaw na saya na halos gusto ng kumawala sa dibdib ko.

Unang beses ko pa lang naranasan kung paano ang magmahal at sa unang beses na iyon, ito na iyon. Ang mahulog sa lalaking kinasusuklaman ko noon. Sa lalaking pinakasalan ko kahit na hindi ko siya kilala.

Napakasaya pala sa pakiramdam na mahalin kang pabalik ng taong mahal mo. 'Yong hindi man niya maipadama na gusto ka niya, hindi siya mahihiyang aminin sa'yo ang tunay niyang nararamdaman kahit na maraming rason para tanggihan ka niya.

Sino ba naman ako? Isa lamang naman akong anak ng dating bilyonaryo na ngayon ay baon na sa utang. Isa lamang naman akong bayarang babae na pinagbabayaran ang utang ng ama niya.

Pero sinong mag-aakala na kahit ganito ako, kaya pala akong magustuhan ng katulad ni Lloyd. Kaya pala niya akong mahalin pab