Chapter Ninety-Three

Olivia

Nang tanggalin ni Lloyd ang blindfold ko, tumambad sa akin ang sorpresang ginawa pala niya para sa akin. Napaka-ganda. Iba't ibang kulay ng rosas, makulay na pailaw at iba pa.

Maluha-luha at emosyonal ko siyang niyakap ng mahigpit. Sobrang kilig na kilig ako dahil sa ginawa niyang ito sa akin.

Ito ang unang pagkakataon na may nag-sorpresa sa akin kaya hindi talaga ako makapaniwalang totoo itong nangyayari at hindi panaginip lang.

Nang iabot sa akin ni Lloyd ang bouquet ng pink roses na halos mas malaki pa sa akin, halos gustuhin kong tumalon sa pool dahil sa sobrang kilig.

Ano bang ginawa ko para bigyan ako ng diyos ng ganitong experience?

He was my first heartache, at ngayon, first love ko na rin. Huwag naman sanang mag-reverse at bumalik muli sa heartache, dahil hindi ko na alam kung ano pang mangyayari sa akin.

Habang nakatingin sa amin halos lahat ng bisita, kasama na ang mga staff ng resort, may kinuha si Lloyd sa bulsa niya at muling lumuhod sa harap ko.

Magpo-propose na