Chapter One Hundred Five

Olivia

Nang dumating ang mga pulis, kaagad nilang inabot sa akin ang isang plastic na naglalaman ng ilan sa mga gamit ni daddy kasama na ang cell phone, rolex na relo at ang kwintas niyang naglalaman ng litrato naming tatlo kasama si mommy.

"Miss San Cristobal, nakikiramay po kami sa pagkawala ng inyong ama." Sambit sa akin no'ng pulis na nag-abot sa akin ng gamit ni daddy.

"Hindi totoo 'to! Hindi totoo ito." Humarap ako kay Matthew at hinampas siya sa dibdib gamit ang dalawa kong kamay. "Sabihin mong prank lang 'to, Matthew! Bawiin mo ang lahat. Sabihin mong panaginip lang ang lahat nang ito."

Hindi nagsalita si Matthew. Pinilit niya akong yakapin ng mahigpit. Doon na ako nagsimulang humagulgol. Humagulgol ako kasabay ng pagtawag ko kay daddy.

Habang nasa bisig ako ni Matthew, narinig kong nagpaalam na 'yong mga pulis sa amin. Narinig ko rin na sinabi no'ng mga pulis kung saan matatagpuan si daddy.

Pinilit kong kumalas mula sa pagkakayakap ni Matthew. "Gusto kong makita ang daddy ko.