Chapter 10

"Noah, naglagay ako ng kapote at payong dito sa bag mo ah."

"Opo mama."

"Ito na rin ang baon mo, ubusin mo 'to ah," habilin ko kay Noah.

"I love you, mama. Bye-bye po,” sweet na paalam sa akin ng anak ko. Humalik sa pisngi ko.

"I love you too. Aral mabuti ha." Hindi ko napigilan ang ma-cute-an sa kanya kaya nagulo ko ang buhok niya.

Nang matapos kay Noah ay lumapit naman ako kay Lyle na abalang nagkakabit ng necktie.

"Binaunan kita ng pagkain mo para sa lunch mo mamaya. Inayos ko na doon sa bag mo atsaka naglagay na rin ako ng payong. Medyo makulimlim kasi ang langit mukhang uulan ng malakas. Mag-ingat ka na lang," habilin ko rin dito habang isinusuot sa kaniya ang coat nito.

Tumango lamang ito at binigyan ako ng ngiti na hindi man lang umabot sa tenga.

Tulad nang nakagawian pagkaalis nila ay saka naman ako nagmamadaling nag-ayos ng sarili ko. Medyo na-late kasi ako kaninang nagising tapos nagluto pa ako.

Sakto lan