TCC #14.2 The Jealous Saavedra

Hindi pa rin maalis ni Dustin ang mga mata niya kina Celine at Feever. Nagtatawanan ang dalawa na tila ba sobrang close na nila. Maging si Clark ay naiinis na rin sa ikinikilos ng dalawa.

'Bakit ko ba inutusan si Feever na sunduin si Celine? Sana ako na lang ang kumaon sa kaniya,' ani ng isip ni Dustin.

'Sino naman itong mokong na 'to? May panibago na naman akong karibal kay Celine?' sigaw ng isip ni Clark.

Nag-eenjoy si Don Alexander na panooring umusok ang ilong ng kaniyang babaerong anak samantalang nagtataka naman siya kung bakit masama rin ang tingin ng kanilang bagong business partner kina Feever at Celine. Iniisip niyang may atraso si Feever kay Clark. Wala siyang ideya na dating kasintahan ng kaniyang manugang si Clark Simeon.

Nang mamatay ang ama ni Clark ay nag-iwan ito ng limpak-limpak na kayaman na nakapangalan sa kaniya. Dahil doon, galit na galit sa kaniya ang kaniyang madrasta na nakatira sa Canada dahil siya ang ginawang beneficiary ng kaniyang asawa sa mga life insura