TCC #16.1 The Accident

Humithit ng sigarilyo si Shantal habang lumalagok naman ng alak sa kanyang tabi si Glydel. Naging abala ang bunsong kapatid ni Celine sa paghahanap ng trabaho. Halos isang linggo na siyang sumasabak sa interview pero hindi pa rin siya pumapasa. Sumasakit na ang kanyang ulo dahil nababaon na siya sa utang sa kanyang bagong kaibigan kahit na hindi naman iyon kinokonsider na utang ni Glydel.

"Sigurado ka bang ayaw mong mag-apply bilang sekretarya ni Clark?" Tanong ni Glydel habang tinitingnan ang napaka pulang alak sa kanyang kopita.

"Ayoko, dahil sigurado akong naisumbong na ako ni Ate Celine kay Clark." Napatigil si Shantal sa kanyang pagsasalita. "I mean ni Celine. Sigurado akong naisawalat na niyang lahat ang nangyari sa ex-boyfriend niyang si Clark. Baka pahirapan lang ako no'n."

Tinungga ni Glydel ang laman ng kanyang kopita at saka nagsalita, "Gaano mo ba kakilala si Clark?"

Nagtaka si Shantal sa tanong na iyon ni Glydel pero dahil nirerespeto niya it