TCC #36.2 Fake Doctor

Nakasuot ng doctor's smock gown at puting facemask ang lalaking nasa likuran ni Freya. Mayroon itong dalang wheel chair. Sinenyasan nito si Freya na lumabas na ng emergency room.

Nagdadalawang-isip pa si Freya kung susundin ba niya ang inuutos ng lalaki. Wala siyang tiwala rito dahil hindi naman nito ipinapakita ang kaniyang mukha.

Nanlaki ang mga mata ng lalaki nang biglang gumalaw si Glydel, tanda na malapit na itong magising.

"Trust me," the man whispered.

Tinitigang mabuti ni Freya ang mga mata ng lalaki.

"You look familiar. Okay, I'll go. Doon tayo magkita sa may pharmacy, sa tapat nito," bulong ni Freya. Tumango lang ang lalaki.

Gumagalaw na ang mga talukap sa mga mata ni Glydel kaya naman mabilis na nagtatakbo si Freya papunta sa puwesto ng katabing pasyente ni Celine.

Muling ibinalik ng lalaki ang dextrose sa kamay ni Celine. Maingat niyang inilipat ito sa wheelchair, dala-dala na rin ang dextrose.

Nang magising si Glydel ay agad siyang napatayo nang makita niyang nakaupo na s