Kabanata 92

HINDI mapakali si Madonna sa kaniyang kinatatayuan. Kasalukuyan siyang nasa tapat ng Emergency Room, pabalik-balik ang lakad at naghihintay sa kung sino mang nasa loob ang lalabas. Kumakabog ng malakas ang dibdib niya, walang mapaglalagyan ang kaniyang kabang nararamdaman para sa kaniyang pinsan na nasa loob.

Pinagtitinginan na rin siya ng mga taong dumadaan mula sa kaniyang likuran, ngunit hindi niya ito pinagtutuonan ng pansin. Masiyado siyang kinakabahan para sa kaniyang pinsan. Aksidenteng nakakain si Clea ng mani sa in-order nilang pagkain kanina. She's allergic to peanuts. Sa tuwing nakakakain siya nito ay mahihirapan siya sa paghinga at magiging dahilan nang kaniyang pagkahimatay. Nagkakaroon din ng pantal ang kaniyang balat kapag hindi agad ito naagapan.

Mabilis na napahinto si Madonna sa walang tigil niyang pabalik-balik ng lakad sa kaniyang kinatatayuan nang makita niyang paparating si Lawson. Malalaki ang hakbang nito habang pumapalapit sa kaniya ang asawa ng kaniyang pin