Chapter 32

Natapos na ang laro, lahat kami rito ay masaya. Talagang na-enjoy namin 'yung game; lalo na ako, itinadhana yata talaga sa 'kin nabunot ko 'yon. Higit akong masaya nang ako ang piliin ni Zerudo. Shocks! Heaven is real talaga! Yumukod ang langit para abutin ako.

After no'n, party-party na talaga ang nangyari habang patuloy pa rin sa pag-iinuman ang karamihan. Medyo nahihilo lang ako nang kaunti dahil parang may tama rin 'yung wine na iniinom ko. Kaya ko pa naman ang sarili ko.

Ilang saglit pa, lumapit sa 'kin si Angelica at hinila niya ako papasok sa isang room. Lahat kaming babae ay nandoon plus 'yung friend niyang beks.

"I-welcome natin guys si Juness!" aniya at naghiyawan naman sila.

Hindi ko alam ang sasabihin kaya ngumiti na lang ako. Nakapalibot sila habang nakaupo sa ibabaw ng kama. Naupo ako sa tabi ni Angelica, sa kaliwa ko naman ay si Juvi.

"S'yempre, hindi naman natin hahayaan na hindi mag-enjoy kaya may dala ako para sa 'tin," turan ni beks at naglabas siya ng card mula sa