Chapter 52: I miss you

“Tita Belle, nasan si Kris?” tanong ko kay tita habang ito’y naglalapag ng pagkain sa mini table sa tapat ng kama, at ako’y saktong kakagising lang.

“Umalis na, bakit mo siya hinahanap?” tanong rin niya at napaismid ako.

“Wa—wala.” tugon ko at umayos ng pagkakaupo upang kumain.

“Sana nga magkaayos na kayo, tingnan mo kahit masama ang loob mo sa kanya nagawa mo pa rin siyang hanapin. Ibig sabihin ba non namimiss mo na siya?” kumunot noo ko sa tanong ni tita Belle.

“Hindi, a! Bakit ko naman siya mamimiss? Hindi niya nga ako namiss, ako pa kaya!” taray kong turan at napansin ko ang pagkimi ni tita Belle kaya umangat ang dalawang kilay ko.

“O, bakit ganyan ang reaksyon niyo sa akin? Nagsasabi ako ng totoo.”

“H’wag na nating taasan pa ang pride natin iha, pinipilit ng asawa mo na labanan ang sitwasyon niya ngayon kahit nahihirapan siya para lang hindi siya tuluyang mawalay sa’yo, pero ikaw ‘tong patuloy na nagtataboy sa kanya.