CHAPTER 27: Denial Stage

Inis na pumasok si Melody pabalik sa loob ng kuwarto. Hindi niya hahayaan na makulong lang siya rito at walang gagawin kung hindi hintayin si Apollo. Hindi na siya natutuwa pa sa nangyayari— sa paikot-ikot nitong nga sinasabi.

“Start over pala, ah? Malaglag sana siya sa yateng sinasakyan nila!” sigaw niya saka ginulo ang buhok.

Ilang oras pa ang lumipas ay wala rin naman siyang nagawa, dahil gaya ng sabi ng isang bantay nila ay marami nga ang mga ito. Kahit saan siya magpunta ay may nakabuntot sa kanila, puwera sa kuwarto at comfort room. Ganoin din sa dalawang bata na para sa kanila ay "cool" ang ganoong set up, dahil tila ba naging bodyguard nila ang mga ito at the same time ay naging kabayo pa nila sa laro.

Pero siya ay buryong-buryo na! Hindi na siya makakatagal pa sa ganito. Even the phone ay kinuha rin ng mga ito para raw iwas siyang makatawag sa mga taong puwede niyang kasabwatin na tumakas. As if naman na mayroon? Eh, wala na nga rito sila Shane at Wincy.

“Nakakatuwa rin pal