CHAPTER 43: Nursery Room

Nagising si Melody nang may ngiti sa labi. Sariwang sariwa pa sa kaniyang alaala ang nangyari kahapon, at hindi niya iyon makalimutan. Nang kapain niya ang higaan sa kaniyang tabi at napag-alaman na wala na roon si Apollo ay napaangat siya ng ulo upang siguraduhin kung wala na nga ito.

Nakaramdam siya ng lungkot. Wala nga ito sa kaniyang tabi, kaya naman bumangon siya at ipinalibot niya ang kaniyang paningin sa loob ng kanilang kuwarto ngunit wala talaga ito. Napakunot siya ng noo. Linggo ngayong araw at imposible namang may trabaho dahil iisang kompanya lang naman ang kanilang pinapasukan. Pinag-usapan na rin nila na ngayong araw ay magkakaroon sila ng family bonding, at pagpapatuloy ng selebrasyon.

Tumayo na siya at nag-asikaso ng kaniyang sarili. Nakasalubong niya pa ang kambal niyang mga anak na naglalaro, habang naghahabulan sa hall way. Nang makita siya nito ay kapwa humalik ito sa kaniyang pisngi bago muling tumakbo.

“Be careful, Lexus and Liven!” paalala niya sa dalawa.

“Opo,