CHAPTER 56 MENTAL HOSPITAL

Isang hapon, may babaeng nakatulala na nakaupo sa bench habang sinusuklayan ng isang Attendant ang mahaba nitong buhok. Malayo ang tingin nito at tila malalim ang iniisip.

May hawak itong malaking manika at yakap-yakap niya ito ng mahigpit.

"Ayan! Maayos na po ang maitim at mahabang buhok ninyo. Ang ganda nyo po talaga. Sana gumaling na kayo kasi hindi kayo nababagay dito." Wika ng babae habang nakangiti.

Ngunit wala siyang nakitang reaksyon sa alaga nito.

"Alam nyo po ba, kapag madalas sumimangot ang isang tao, madaling tatanda at papangit?" Dugtong pa nito .

Lumingon ito sa kanya at pinagmasdan ang mukha niya, "Bakit ikaw lagi ka naman nakangiti? Bakit mukha kang palaka!?" Sabay tawa nito.

Napatawa na rin siya dahil nakakadala ang malutong nitong tawa, "Ay grabe siya, makapanlait wagas! Ikaw na ang maganda. Pero ako naman ang reyna ng mga palaka! Kokak…Kokak.. Kokak!" Tumatalon pa ito na tila palaka.

Araw-araw ganyan ang routine nila, mabuti nga at may progress na ito. Minsan n