009 - Kapalit

Napasinghap si Callie nang bigla na lamang siyang yakapin ni Laurence. Maging ang mga tao sa paligid nila ay nagulat. Nagkaroon ng nakabibinging katahimikan sa bulwagan, kasabay ang desperadong pakiusap ng kaniyang dating asawa.

"Please, Callie. Alam mo kung gaano kahalaga sa akin ang business deal na ito," wika ni Laurence sa nagmamakaawang boses at saka bahagya siyang pinakawalan para tingnan sa mga mata. "You love me, right? Alam kong mahal mo ako at ginagawa mo lang ito upang balikan kita."

Nanlaki ang mga mata niya sa narinig, magsasalita na sana upang kontrahin ang sinabi ng lalaki ngunit sunud-sunod na flash mula sa mga camera ng mga media personnel at reporters ang tumama sa mukha niya dahilan para bahagya siyang mapangiwi.

Hinawakan ni Laurence ang magkabila niyang mga braso at saka yumuko at masuyong sinabi, "If you really want me back that much, then I'll fulfill it. Babalikan kita, Callie. We can remarry and be happy like we used to be. I promise to make you happy