014 - Clap Back

Camero Residence

Tuwang-tuwa si Aurora Camero habang binabasa ang magagandang papuri ng mga tao sa kaniyang anak na si Laurence sa internet. Kuhang-kuha kasi ng anak niya ang simpatya ng mga ito at sinusuportahan ito sa planong panunuyo kay Callie Fuentabella.

"Napakadali namang paikutin ng media, anak! Tingnan mo at ang daming nagbibigay ng suporta sa iyo na suyuin si Callie," tuwa niyang sabi at saka binaba ang tablet sa couch para pagmasdan ang anak na nakatayo at ini-enjoy ang whiskey at ang classical music na tumutunog. "Tingin mo ba ay naniniwala na si Callie sa 'yo pagkatapos nang interview mo? Kailangan natin siyang makuha ulit upang maibigay sa atin ang koneksyon sa mga Fuentabella. Kung alam ko lang talaga na isa siya sa mga anak ng mayamang pamilya na 'yon, aba'y tinuring ko na siyang reyna sa pamamahay na ito."

"Ma, don't worry," ani Laurence at ngumisi sa kaniyang ina habang hawak ang baso na may lamang alak. "Alam kong hindi ako matitiis ni Callie. Kapag napanood ni