Chapter 17

Pagkaalis ni Klaire, mabilis siyang pumara ng taxi sa tabing kalsada para umuwi at nagpadala ng text kay Annie para hindi na siya nito sunduin. Hindi siya mapakali habang nasa daan, at naghuhuramentado pa rin ang kanyang puso hanggang sa makarating siya sa labas ng kanilang villa.

Ang animo’y metal na lasa ng dugo sa kanyang bibig ay nagpaalala sa kanyang ng mga nangyari sa loob ng kotse ni Alejandro.

That devil… she never thought he’d harbor hatred towards her just because she left him with twenty pesos and a silly note!

“Napakawalang hiya ng lalaking ‘yon…” mahina ngunit nag-aaalboroto niyang wika.

Pinangako niya sa sarili na iiwasan na niya ang lalaking ‘yon. Kahit ano’ng mangyari ay hindi na niya hahayaan pa na mangyari ulit ang mga nangyari sa banquet ng mga Buenaventura.

Paulit-ulit siyang huminga nang malalim habang naglalakad papuntang main door. Sinigurado niyang walang bahid ng kunot ang kaniyang mukha at kalmado ang kaniyang dibdib bago kunin ang susi sa kaniyang purse