Chapter 52

Samantala, sa kabilang VIP room ay makikita ang kambal na sina Clayton at Callie na nakadikit ang mga tainga sa pader upang pakinggan ang mga usapan sa kabilang kwarto kung nasaan ang kanilang Daddy, Lola Melissa at ang pamilya De Guzman. Mabuti na lang ay hindi sound proof ang bawat VIP room doon kaya naririnig ng mga bata ang mga usapan ng matatanda tungkol sa pagpapakasal sa kanilang Daddy at Sophia.

“Narinig mo ba ‘yon?” tanong ni Clayton sa kambal. “Ituturing daw tayo ni Tita Sophia na tunay na mga anak. E, ‘di ba bad siya?”

Nakasimangot si Callie habang tumatango.

“That’s true,” sang-ayon naman ni Ivan na palihim din na nakikinig sa kabilang kwarto. Isa siyang psychiatrist, at masasabi niya kung anong uri ng tao ang mga nakakaharap niya. Bagama't wala siyang gaanong pakikipag-ugnayan kay Sophia, alam niya sa unang tingin pa lang na hindi siya ang taong pinapakita niya sa lahat, lalo na sa mga bata.

Dahil doon ay ayaw din ni Ivan na makatuluyan ni Alejandro si Sophia. Hind