CHAPTER TWENTY-NINE

***

NANG nailabas o nasabi niya ang kaniyang saloobin sa kanyang tiyuhin na kaedad niya ay nabunutan na siya ng tinik. Kahit pa sabihing nalaman ito ng abuela nila ay mas gumaan ito. Hindi kinaya ng kalooban niya ang konsensiyang humahabol sa kaniya kaya't naikuwento rin niya sa wakas. Ngunit laking pasasalamat niya dahil nawala ang bigat na pagkatao niya. Kaya naman ay nakuha niyang biruin ang tiyuhin.

"Ihanda mo na lang ang perang iyan, Lewis. Para sa honeymoon namin, take note round trip with full benefits including hotel accommodation and food. Sa ngayon ako na muna ang bahala sa pamasahe ko papunta at pauwing Spain." Nakatawa niyang pangangantiyaw.

Biro lang naman niya iyon. Animo'y doon siya kumuha ng lakas dahil sa pagkasabi niya sa saloobing sinolo sa loob ng isang taon. Ngunit kahit hindi niya iyon sabihin ay sigurado naman siyang gagawin nito. Dahil kahit laging sermon ang inaabot niya rito ay kailanman hindi ito nagpabaya sa kaniya.

"Iyan lang ba ang kaya mong hilingin sa a