Kabanata 12

Five Years Ago

Kinabukasan ay bumalik si Ryder sa park kung saan niya unang nakausap si Devyn. Nagbabakasakali na makita niya ulit ang dalagita. Hindi siya nakatulog sa sobrang pag-iisip.

Nakaupo siya sa tanda niyang inupuan niya kagabi. Nagpalinga linga siya sa paligid. Hinahanap ng mata ang mukha ni Devyn sa mga taong nasa park.

Laglag ang balikat na hindi niya nakita ang dalagita. Tumayo na siya at humingang malalim. Babalik na lang siya sa condo niya.

Hahakbang palang siya nang may maramdaman siyang papalapit sa kanya.

"Magandang hapon po, Sir." pamilyar sa kanya ang boses. Kaagad na humarap si Ryder sa nagsalita.

Isang matamis na ngiti ang nabugaran niya mula sa babaeng hinahanap ng puso niya kanina pa. Naka-cap at nakatali ang mahaba nitong buhok. T-shirt na pula ang ang suot nito sa pang-itaas at jeans na hapit.

Natulala si Ryder. Parang slow-mo na nakikita niya lang ay si Devyn. Wala siyang pakialam sa paligid niya kundi si Devyn lamang. Nag-iba din bigla ang ritmo ng tibok n