Kabanata 13

Araw nang dalaw sa correctional. Dalawang buwan na hindi nadalaw ni Devyn ang Lola niya. Hindi niya alam kung paano sasabihin sa sa matanda na hindi pa niya nakakausap ang binatang Sable. Hindi pa niya napapalousapan ang mga Sable na hayaang makalaya ang Lola niya. Sa tuwing dumadalaw siya ay nagtatanong ito kung ano ng balita sa kaso niya. Wala siyang ibang maisagot. Kundi ang maghintay.

Nahahati ang puso niya sa dalawang tao na importante sa buhay niya. Sino ang pipiliin niya? Si Ryder ba na minahal na ng puso niya o ang Lola niya na siyang tanging naging kasama at karamay niya sa lahat?

Simula noong isilang siya ay ang Lola Pacita niya ang nagpalaki at nag-alaga sa kanya. Ang Mama niya ay nag-iisang anak ni Lola Pacita. Wala siyang natatandaan na mukha ng kapatid niya. Pati ang mukha ng Mama niya ay hindi niya din maalala.

Ayon sa Lola niya. Iniwan siya ng Mama niya sa kanya noong dalawang taong gulang pa lamang siya. Sakitin ang kanyang isa pang kapatid. Kaya nagpasya ang Mama ni