CHAPTER 24

Hayun, sleeping ang beauty niya. Idiniretso na siya ni Pancho sa mansion. Napauwi tuloy sila ng maaga. Gulat na gulat si Marissa.

“Naku po, Ma’am. Ano pong nangyari kay Ma’am Astrid?”

“Pasensiya na. Nalasing kaagad eh.”

“Hindi ko po man lang nasabi sa inyo na huwag na siyang paiinumin ng alak. Mabilis po kasi siyang malasing.”

At ang ending, iniakyat siya sa second floor, sa loob ng kanyang sariling kuwarto kaya lang, naipit ang kamay ni Pancho sa ilalim nito. Bumaling pa si Astrid at niyakap sa leeg ang binata.

“Tsk! Tsk! Tsk! Parang iba ang gustong mangyari ni Ma’am.” Napaupo si Pancho sa gilid ng kama. “Sir…” Nagkatinginan ang dalawa. “Dito ka na lang po matulog at tabihan na ninyo si Ma’am. Hindi na po ‘yan gigising. Bukas na po kayo umuwi.”

“Marissa, tulungan mo ako rito!” Hindi magawang sumigaw ni Pancho.

“Heto naman si Sir. Si Ma’am Astrid lang po ‘yan. Good boy naman po kayo, hindi ba?” Makahulugan ang ngiti ni Marissa habang papalayo sa dalawa. Hindi naman makasigaw ang bin